Audio PDF
कविश्री भूधरदास
Kaviśrī Bhūdharadāsa
अहो! जगत्-गुरुदेव! सुनिये अरज हमारी |
तुम प्रभु दीनदयाल, मैं दु:खिया संसारी ||१||
Ahō! Jagat-gurudēva! Suniyē araja hamārī |
Tuma prabhu dīnadayāla, maiṁ du:Khiyā sansārī ||1||
इस भव-वन के माँहिं, काल-अनादि गमायो |
भ्रमत चहुँगति माँहिं, सुख नहिं दु:ख बहु पायो ||२||
Isa bhava-vana kē mām̐hiṁ, kāla-anādi gamāyō |
Bhramata cahum̐gati mām̐hiṁ, sukha nahiṁ du:Kha bahu pāyō ||2||
कर्म-महारिपु जोर, एक न काम करें जी |
मनमान्या दु:ख देहिं, काहू सों नाहिं डरें जी ||३||
Karma-mahāripu jōra, ēka na kāma karēṁ jī |
Manamān’yā du:Kha dēhiṁ, kāhū sōṁ nāhiṁ ḍarēṁ jī ||3||
कबहू इतर-निगोद, कबहू नर्क दिखावें |
सुर-नर-पशुगति-माँहिं, बहुविधि नाच नचावें ||४||
Kabahū itara-nigōda, kabahū narka dikhāvēṁ |
Sura-nara-paśugati-mām̐hiṁ, bahuvidhi nāca nacāvēṁ ||4||
प्रभु! इनके परसंग, भव-भव माँहिं बुरे जी |
जे दु:ख देखे देव! तुम सों नाहिं दुरे जी ||५||
Prabhu! Inakē parasaṅga, bhava-bhava mām̐hiṁ burē jī |
Jē du:Kha dēkhē dēva! Tuma sōṁ nāhiṁ durē jī ||5||
एक जनम की बात, कहि न सकूँ सुनि स्वामी |
तुम अनंत परजाय, जानत केवलज्ञानी ||६||
Ēka janama kī bāta, kahi na sakūṁ suni svāmī |
Tuma ananta parajāya, jānata kevalagyānī ||6||
मैं तो एक अनाथ, ये मिलि दुष्ट घनेरे |
कियो बहुत बेहाल, सुनियो साहिब मेरे ||७||
Maiṁ tō ēka anātha, yē mili duṣṭa ghanērē |
Kiyō bahuta bēhāla, suniyō sāhiba mērē ||7||
ज्ञान-महानिधि लूटि, रंक-निबल करि डारयो |
इन ही तुम मुझ माँहिं, हे जिन! अंतर पार्यो ||८||
Jñāna-mahānidhi lūṭi, raṅka-nibala kari ḍārayō |
Ina hī tuma mujha mām̐hiṁ, hē jina! Antara pāryō ||8||
पाप-पुण्य मिल दोर्इ, पायनि बेड़ी डारी |
तन-कारागृह-माँहिं, मोहिं दिये दु:ख भारी ||९||
Pāpa-puṇya mila dōi, pāyani bēṛī ḍārī |
Tana-kārāgr̥ha-mām̐hiṁ, mōhiṁ diyē du:Kha bhārī ||9||
इनको नेक-विगार, मैं कछु नाहिं कियो जी |
बिन-कारन जगवंद्य! बहुविधि बैर सह्यो जी ||१०||
Inakō nēka-vigāra, maiṁ kachu nāhiṁ kiyō jī |
Bina-kārana jagavandya! Bahuvidhi baira sahyō jī ||10||
अब आयो तुम पास, सुनि के सुजस तिहारो |
नीति-निपुन महाराज, कीजो न्याय हमारो ||११||
Aba āyō tuma pāsa, suni ke sujasa tihārō |
Nīti-nipuna mahārāja, kījō n’yāya hamārō ||11||
दुष्टन देहु निकार, साधुन को रख लीजे |
विनवे ‘भूधरदास’, हे प्रभु! ढील न कीजे ||१२||
Duṣṭana dēhu nikāra, sādhuna kō rakha lījai |
Vinavai ‘bhūdharadāsa’, hē prabhu! Ḍhīla na kījai ||12||
* * * A * * *
