Audio (पूजन विधि निर्देश)
(Poojan Procedure Guide)
(छन्द माधवी तथा किरीट-वर्ण 14 मात्रा)
(chanda mādhavī tathā kirīṭa-varṇa 14 mātrā)
अज-अंक अजै-पद राजे निशंक, हरे भव-शंक निशंकित-दाता।
मदमत्त-मतंग के माथे गँथे मतवाले, तिन्हें हने ज्यों अरिहाता।
गजनागपुरै लियो जन्म जिन्हौं, रवि के प्रभु नंदन श्रीमति-माता।
सह-कुंथु सुकुंथुनि के प्रतिपालक, थापूं तिन्हें जुत-भक्ति विख्याता।
aj-ank ajai-pad raaje nishank, hare bhav-shank nishankit-daata.
madamatt-matang ke maathe ganthe matavaale, tinhen hane jyon arihaata.
gajanaagapurai liyo janm jinhaun, ravi ke prabhu nandan shreemati-maata.
sah-kunthu sukunthuni ke pratipaalak, thaapoon tinhen jut-bhakti vikhyaata.
ॐ ह्रीं श्री कुंथुनाथजिनेन्द्र ! अत्र अवतरत अवतरत संवौषट्! (आह्वाननम्)
ॐ ह्रीं श्री कुंथुनाथजिनेन्द्र ! अत्र तिष्ठत तिष्ठत ठ: ठ:! (स्थापनम्)
ॐ ह्रीं श्री कुंथुनाथजिनेन्द्र ! अत्र मम सन्निहितो भवत भवत वषट्! (सन्निधिकरणम्)
Om hreem shree kunthunaathajinendr ! atr avatarat avatarat sanvaushat! (aahvaananam)
Om hreem shree kunthunaathajinendr ! atr tishthat tishthat th: th:! (sthaapanam)
Om hreem shree kunthunaathajinendr ! atr mam sannihito bhavat bhavat vashat! (sannidhikaranam)
(चाल-लावनी मरहठी की, लाला मनसुखरायजी कृत)
(chaal-laavanee marahathee kee, laala manasukharaayajee krt)
कुंथु सुन अरज दास-केरी, नाथ सुन अरज दास-केरी ।
भव-सिन्धु पर्यो हूं नाथ, निकारो बाँह-पकर मेरी ।।
प्रभु सुन अरज दासकेरी, नाथ सुन अरज दास-केरी ।
जगजाल-पर्यो हूं वेगि निकारो, बाँह पकर मेरी ।।
सुर-सरिता को उज्ज्वल-जल भरि, कनक-भृंग भेरी ।
मिथ्या-तृषा निवारन-कारन, धरूं धार नेरी ।।
kunthu sun araj daas-keree, naath sun araj daas-keree .
bhav-sindhu paryo hoon naath, nikaaro baanh-pakar meree ..
prabhu sun araj daasakeree, naath sun araj daas-keree .
jagajaal-paryo hoon vegi nikaaro, baanh pakar meree ..
sur-sarita ko ujjval-jal bhari, kanak-bhrng bheree .
mithya-trsha nivaaran-kaaran, dharoon dhaar neree ..
ॐ ह्रीं श्रीकुंथुनाथजिनेन्द्राय जन्म-जरा-मृत्यु-विनाशाय जलं निर्वपामीति स्वाहा ।१।
Om hreen shreekunthunaathajinendraay janm-jara-mrtyu-vinaashaay jalan nirvapaameeti svaaha .1.
बावन-चंदन कदलीनंदन, घसिकर गुन टेरी।
तपत मोह-नाशन के कारन, धरूं चरन नेरी।।
कुंथु सुन अरज दास-केरी, नाथ सुन अरज दास-केरी।
भव-सिन्धु पर्यो हूं नाथ, निकारो बाँह-पकर मेरी।।
baavan-chandan kadaleenandan, ghasikar gun teree.
tapat moh-naashan ke kaaran, dharoon charan neree..
kunthu sun araj daas-keree, naath sun araj daas-keree.
bhav-sindhu paryo hoon naath, nikaaro baanh-pakar meree..
ॐ ह्रीं श्रीकुंथुनाथजिनेन्द्राय भवताप-विनाशाय चदनं निर्वपामीति स्वाहा ।२।
Om hreen shreekunthunaathajinendraay bhavataap-vinaashaay chadanan nirvapaameeti svaaha .2.
मुक्ताफल-सम उज्ज्वल अक्षत, सहित मलय लेरी।
पुंज धरूं तुम चरनन आगे, अखय-सुपद देरी।।
कुंथु सुन अरज दास-केरी, नाथ सुन अरज दास-केरी।
भव-सिन्धु पर्यो हूं नाथ, निकारो बाँह-पकर मेरी।।
muktaaphal-sam ujjval akshat, sahit malay leree.
punj dharoon tum charanan aage, akhay-supad deree..
kunthu sun araj daas-keree, naath sun araj daas-keree.
bhav-sindhu paryo hoon naath, nikaaro baanh-pakar meree..
ॐ ह्रीं श्रीकुंथुनाथजिनेन्द्राय अक्षयपद-प्राप्तये अक्षतान् निर्वपामीति स्वाहा ।३।
Om hreen shreekunthunaathajinendraay akshayapad-praaptaye akshataan nirvapaameeti svaaha .3.
कमल केतकी बेला दौना, सुमन सुमन-सेरी।
समर-शूल निरमूल-हेतु प्रभु, भेंट करों तेरी।।
कुंथु सुन अरज दास-केरी, नाथ सुन अरज दास-केरी।
भव-सिन्धु पर्यो हूं नाथ, निकारो बाँह-पकर मेरी।।
kamal ketakee bela dauna, suman suman-seree.
samar-shool niramool-hetu prabhu, bhent karon teree..
kunthu sun araj daas-keree, naath sun araj daas-keree.
bhav-sindhu paryo hoon naath, nikaaro baanh-pakar meree..
ॐ ह्रीं श्रीकुंथुनाथजिनेन्द्राय कामबाण-विध्वंसनाय पुष्पं निर्वपामीति स्वाहा ।४।
Om hreen shreekunthunaathajinendraay kaamabaan-vidhvansanaay pushpan nirvapaameeti svaaha .4.
घेवर बावर मोदन मोदक, मृदु उत्तम पेरी।
ता सों चरन जजों करुनानिधि, हरो छुधा मेरी।।
कुंथु सुन अरज दास-केरी, नाथ सुन अरज दास-केरी।
भव-सिन्धु पर्यो हूं नाथ, निकारो बाँह-पकर मेरी।।
ghevar baavar modan modak, mrdu uttam peree.
ta son charan jajon karunaanidhi, haro chhudha meree..
kunthu sun araj daas-keree, naath sun araj daas-keree.
bhav-sindhu paryo hoon naath, nikaaro baanh-pakar meree..
ॐ ह्रीं श्रीकुंथुनाथजिनेन्द्राय क्षुधारोग-विनाशाय नैवेद्यं निर्वपामीति स्वाहा ।५।
Om hreen shreekunthunaathajinendraay kshudhaarog-vinaashaay naivedyan nirvapaameeti svaaha .5.
कंचन-दीपमई वर-दीपक, ललित-जोति घेरी।
सो ले चरन-जजों भ्रम-तम रवि, निज-सुबोध देरी।
कुंथु सुन अरज दास-केरी, नाथ सुन अरज दास-केरी।
भव-सिन्धु पर्यो हूं नाथ, निकारो बाँह-पकर मेरी।।
kanchan-deepamari var-deepak, lalit-joti gheree.
so le charan-jajon bhram-tam ravi, nij-subodh deree.
kunthu sun araj daas-keree, naath sun araj daas-keree.
bhav-sindhu paryo hoon naath, nikaaro baanh-pakar meree..
ॐ ह्रीं श्रीकुंथुनाथजिनेन्द्राय मोहांधकार-विनाशनाय दीपं निर्वपामीति स्वाहा ।६।
Om hreen shreekunthunaathajinendraay mohaandhakaar-vinaashanaay deepan nirvapaameeti svaaha .6
देवदारु हरि अगर तगर करि चूर अगनि-खेरी।
अष्ट-करम ततकाल जरे ज्यों, धूम धनंजेरी।।
कुंथु सुन अरज दास-केरी, नाथ सुन अरज दास-केरी।
भव-सिन्धु पर्यो हूं नाथ, निकारो बाँह-पकर मेरी।।
devadaaru hari agar tagar kari choor agani-kheree.
asht-karam tatakaal jare jyon, dhoom dhananjeree..
kunthu sun araj daas-keree, naath sun araj daas-keree.
bhav-sindhu paryo hoon naath, nikaaro baanh-pakar meree..
ॐ ह्रीं श्रीकुंथुनाथजिनेन्द्राय अष्टकर्म-दहनाय धूपं निर्वपामीति स्वाहा ।७।
Om hreen shreekunthunaathajinendraay ashtakarm-dahanaay dhoopan nirvapaameetisvaaha .7
लोंग-लायची पिस्ता केला, कमरख शुचि लेरी।
मोक्ष-महाफल चाखन-कारन, जजूं सुकरि ढेरी।
कुंथु सुन अरज दास-केरी, नाथ सुन अरज दास-केरी।
भव-सिन्धु पर्यो हूं नाथ, निकारो बाँह-पकर मेरी।।
long-laayachee pista kela, kamarakh shuchi leree.
moksh-mahaaphal chaakhan-kaaran, jajoon sukari dheree.
kunthu sun araj daas-keree, naath sun araj daas-keree.
bhav-sindhu paryo hoon naath, nikaaro baanh-pakar meree..
ॐ ह्रीं श्रीकुंथुनाथजिनेन्द्राय मोक्षफल-प्राप्तये फलं निर्वपामीति स्वाहा ।८।
Om hreen shreekunthunaathajinendraay mokshaphal-praaptaye phalan nirvapaameeti svaaha .8.
जल चंदन तंदुल प्रसून चरु, दीप धूप लेरी।
फल-जुत जजन करूं मनसुख धरि, हरो जगत्-फेरी।।
कुंथु सुन अरज दास-केरी, नाथ सुन अरज दास-केरी।
भव-सिन्धु पर्यो हूं नाथ, निकारो बाँह-पकर मेरी।।
jal chandan tandul prasoon charu, deep dhoop leree.
phal-jut jajan karoon manasukh dhari, haro jagat-pheree..
kunthu sun araj daas-keree, naath sun araj daas-keree.
bhav-sindhu paryo hoon naath, nikaaro baanh-pakar meree..
ॐ ह्रीं श्रीकुंथुनाथजिनेन्द्राय अनर्घ्यपद-प्राप्तये अर्घ्यं निर्वपामीति स्वाहा ।९।
Om hreen shreekunthunaathajinendraay anarghyapad-praaptaye arghyan nirvapaameeti svaaha .9.
पंचकल्याणक-अर्घ्यावली
Panchakalyaanak-Arghyaavalee
(छन्द मोतियादाम वर्ण 12)
(chhand motiyaadaam varn 12)
सु सावन की दशमी-कलि जान, तज्यो सरवारथ-सिद्ध-विमान।
भयो गरभागम-मंगल सार, जजें हम श्रीपद अष्ट-प्रकार।।
su saavan kee dashamee-kali jaan, tajyo saravaarath-siddh-vimaan.
bhayo garabhaagam-mangal saar, jajen ham shreepad asht-prakaar..
ॐ ह्रीं श्रावणकृष्ण-दशम्यां गर्भमंगल-मंडिताय श्रीकुंथुनाथजिनेन्द्राय अर्घ्यं निर्वपामीति स्वाहा ।१।
Om hreen shraavanakrshn-dashamyaan garbhamangal-manditaay shreekunthunaathajinendraay arghyan nirvapaameeti svaaha .1.
महा बैशाख सु एकम-शुद्ध, भयो तब जनम तिज्ञान-समृद्ध।
कियो हरि मंगल-मंदिर शीस, जजें हम अत्र तुम्हें नुत-शीश।।
maha baishaakh su ekam-shuddh, bhayo tab janam tigyaan-samrddh.
kiyo hari mangal-mandir shees, jajen ham atr tumhen nut-sheesh..
ॐ ह्रीं बैशाखशुक्ल-प्रतिपदायां जन्ममंगल-प्राप्ताय श्रीकुंथुनाथजिनेन्द्राय अर्घ्यं निर्वपामीति स्वाहा ।२।
Om hreen baishaakhashukl-pratipadaayaan janmamangal-praaptaay shreekunthunaathajinendraay arghyan nirvapaameeti svaaha .2.
तज्यो षट्-खंड-विभौ जिनचंद, विमोहित-चित्त चितार सुछंद।
धरे तप एकम-शुद्ध-विशाख, सुमग्न भये निज-आनंद चाख।।
tajyo shat-khand-vibhau jinachand, vimohit-chitt chitaar suchhand.
dhare tap ekam-shuddh-vishaakh, sumagn bhaye nij-aanand chaakh..
ॐ ह्रीं बैशाखशुक्ल-प्रतिपदायां तपोमंगल-प्राप्ताय श्रीकुंथुनाथजिनेन्द्राय अर्घ्यं निर्वपामीति स्वाहा ।३।
Om hreen baishaakhashukl-pratipadaayaan tapomangal-praaptaay shreekunthunaathajinendraay arghyan nirvapaameeti svaaha .3.
सुदी-तिय-चैत सु चेतन शक्त, चहूँ अरि छय करि ता दिन व्यक्त।
भई समवसृत भाखि सुधर्म, जजूं पद ज्यों पद पाइय-पर्म।।
sudee-tiy-chait su chetan shakt, chahoon ari chhay kari ta din vyakt.
bhari samavasrt bhaakhi sudharm, jajoon pad jyon pad paiy-parm..
ॐ ह्रीं चैत्रशुक्ल-तृतीयायां केवलज्ञान-प्राप्ताय श्रीकुंथुनाथजिनेन्द्राय अर्घ्यं निर्वपामीति स्वाहा ।४।
Om hreen chaitrashukl-trteeyaayaan kevalagyaan-praaptaay shreekunthunaathajinendraay arghyan nirvapaameeti svaaha .4.
सुदी-बैशाख सु एकम नाम, लियो तिहि द्यौस अभय-शिवधाम।
जजे हरि हर्षित मंगल गाय, समर्चत हूं तुहि मन-वच-काय।।
sudee-baishaakh su ekam naam, liyo tihi dyaus abhay-shivadhaam.
jaje hari harshit mangal gaay, samarchat hoon tuhi man-vach-kaay..
ॐ ह्रीं बैशाखशुक्ल-प्रतिपदायां मोक्षमंगल-प्राप्ताय श्रीकुंथुनाथजिनेन्द्राय अर्घ्यं निर्वपामीति स्वाहा ।५।
Om hreen baishaakhashukl-pratipadaayaan mokshamangal-praaptaay shreekunthunaathajinendraay arghyan nirvapaameeti svaaha .5.
जयमाला
Jayamaala
(अडिल्ल छन्द-मात्रा २१)
(adill chhand-maatra 21)
षट्-खंडन के शत्रु राज-पद में हने ।
धरि दीक्षा षट्-खंडन पाप तिन्हें दने ।।
त्यागि सुदरशन-चक्र धरम-चक्री भये ।
करम-चक्र-चकचूर सिद्ध दिढ़-गढ़ लये ।१।
ऐसे कुंथु-जिनेश तने पद-पद्म को ।
गुन-अनंत-भंडार महासुख-सद्म को ।।
पूजूं अरघ चढ़ाय पूरणानंद हो ।
चिदानंद अभिनंद इन्द्रगन-वंद हो ।२।
shat-khandan ke shatru raaj-pad mein hane .
dhari deeksha shat-khandan paap tinhen dane ..
tyaagi sudarashan-chakr dharam-chakree bhaye .
karam-chakr-chakachoor siddh didh-gadh laye .1.
aise kunthu-jinesh tane pad-padm ko .
gun-anant-bhandaar mahaasukh-sadm ko ..
poojoon aragh chadhaay pooranaanand ho .
chidaanand abhinand indragan-vand ho .2.
(पद्धरी छन्द-मात्रा १६)
(paddharee chhand-maatra 16)
जय जय जय जय श्रीकुंथुदेव, तुम ही ब्रह्मा-हरि-त्रिंबुकेव ।
जय बुद्धि-विदांबर विष्णु ईश, जय रमाकांत शिवलोक शीश ।३।
जय दया-धुरंधर सृष्टिपाल, जय-जय जग-बंधु सुगुन-माल ।
सरवारथ-सिद्ध-विमान छार, उपजे गजपुर में गुन-अपार ।४।
सुर-राज कियो गिर न्हौन जाय, आनंद-सहित जुत-भगति भाय ।
पुनि पिता सौंपिकर मुदित-अंग, हरि तांडव-निरत कियो अभंग ।५।
jay jay jay jay shreekunthudev, tum hee brahma-hari-trimbukev .
jay buddhi-vidaambar vishnu rish, jay ramaakaant shivalok sheesh .3.
jay daya-dhurandhar srshtipaal, jay-jay jag-bandhu sugun-maal .
saravaarath-siddh-vimaan chhaar, upaje gajapur mein gun-apaar .4.
sur-raaj kiyo gir nhaun jaay, aanand-sahit jut-bhagati bhaay .
puni pita saumpikar mudit-ang, hari taandav-nirat kiyo abhang .5.
पुनि स्वर्ग गयो तुम इत दयाल, वय पाय मनोहर प्रजापाल ।
षट्खंड-विभौ भोग्यो समस्त, फिर त्याग जोग धार्यो निरस्त ।६।
तब घाति-घात केवल उपाय, उपदेश दियो सब-हित जिनाय ।
जाके जानत भ्रम-तम विलाय, सम्यग्दर्शन निर्मल लहाय ।७।
तुम धन्य देव किरपा-निधान, अज्ञान-क्षमा-तमहरन भान ।
जय स्वच्छ गुनाकर शुक्त सुक्त, जय स्वच्छ सुखामृत भुक्ति मुक्त ।८।
जय भौ-भय-भंजन कृत्यकृत्य, मैं तुमरो हूं निज भृत्य-भृत्य ।
प्रभु अशरन-शरन अधार धार, मम विघ्न-तूलगिरि जार-जार ।९।
puni svarg gayo tum it dayaal, vay paay manohar prajaapaal .
shatkhand-vibhau bhogyo samast, phir tyaag jog dhaaryo nirast .6.
tab ghaati-ghaat keval upaay, upadesh diyo sab-hit jinaay .
jaake jaanat bhram-tam vilaay, samyagdarshan nirmal lahaay .7.
tum dhany dev kirapa-nidhaan, agyaan-kshama-tamaharan bhaan .
jay svachchh gunaakar shukt sukt, jay svachchh sukhaamrt bhukti mukt .8.
jay bhau-bhay-bhanjan krtyakrty, main tumaro hoon nij bhrty-bhrty .
prabhu asharan-sharan adhaar dhaar, mam vighn-toolagiri jaar-jaar .9.
जय कुनय-यामिनी सूर-सूर, जय मनवाँछित-सुख पूर-पूर ।
मम करमबंध दिढ़ चूर-चूर, निज-सम आनंद दे भूर-भूर ।१०।
अथवा जब लों शिव लहूं नाहिं, तब लों ये तो नित ही लहाहिं ।
भव-भव श्रावक-कुल-जनम-सार, भव-भव सतमति संतसंग धार ।११।
भव-भव निज-आतम-तत्त्वज्ञान, भव-भव तप-संयम-शील दान ।
भव-भव अनुभव नित चिदानंद, भव-भव तुम-आगम हे जिनंद ।१२।
भव-भव समाधिजुत-मरन सार, भव-भव व्रत चाहूं अनागार ।
यह मो को हे करुणानिधान, सब जोग मिला आगम-प्रमान ।१३।
jay kunay-yaaminee soor-soor, jay manavaanchhit-sukh poor-poor .
mam karamabandh didh choor-choor, nij-sam aanand de bhoor-bhoor .10.
athava jab lon shiv lahoon naahin, tab lon ye to nit hee lahaahin .
bhav-bhav shraavak-kul-janam-saar, bhav-bhav satamati santasang dhaar .11.
bhav-bhav nij-aatam-tattvagyaan, bhav-bhav tap-sanyam-sheel daan .
bhav-bhav anubhav nit chidaanand, bhav-bhav tum-aagam he jinand .12.
bhav-bhav samaadhijut-maran saar, bhav-bhav vrat chaahoon anaagaar .
yah mo ko he karunaanidhaan, sab jog mila aagam-pramaan .13.
जब लों शिव-सम्पति लहूं नाहिं, तब लों मैं इनको नित लहाँहि ।
यह अरज हिये अवधारि नाथ, भव-संकट हरि कीजे सनाथ ।१४।
jab lon shiv-sampati lahoon naahin, tab lon main inako nit lahaanhi .
yah araj hiye avadhaari naath, bhav-sankat hari keeje sanaath .14.
(छन्द घत्तानन्द-मात्रा ३१)
(chhand ghattaanand-maatra 31)
जय दीनदयाला, वर-गुनमाला, विरद-विशाला सुख-आला ।।
मैं पूजूं ध्याऊं शीश नमाऊं, देहु अचल-पद की चाला ।१५।
jay deenadayaala, var-gunamaala, virad-vishaala sukh-aala ..
main poojoon dhyaoon sheesh namaoon, dehu achal-pad kee chaala .15.
ॐ ह्रीं श्रीकुंथुनाथजिनेन्द्राय जयमाला-पूर्णार्घ्यं निर्वपामीति स्वाहा।।
Om hreen shreekunthunaathajinendraay jayamaala-poornaarghyan nirvapaameeti svaaha..
(छन्द रोड़क मात्रा-२४)
(chhand rodak maatra-24)
कुंथु-जिनेसुर पाद-पद्म, जो प्रानी ध्यावें।
अलि-सम-कर अनुराग, सहज सो निज-निधि पावें।।
जो बाँचें-सरधहें, करें अनुमोदन पूजा।
‘वृंदावन’ तिंह पुरुष सदृश, सुखिया नहिं दूजा।।
kunthu-jinesur paad-padm, jo praanee dhyaaven.
ali-sam-kar anuraag, sahaj so nij-nidhi paaven..
jo baanchen-saradhahen, karen anumodan pooja.
‘vrndaavan’ tinh purush sadrsh, sukhiya nahin dooja..
।। इत्याशीर्वाद: परिपुष्पाञ्जलिं क्षिपेत् ।।
//ityaasheervaad: paripushpaanjalin kshipet //
* * * A * * *